„Nemendur Ragnars Brynjólfssonar kennara í FSu náðu góðum árangri í Forritunarkeppni framhaldsskólanna sem haldin var laugardaginn 26. mars [2011] í Háskólanum í Reykjavík. Alls voru 30 lið skráð til leiks í keppninni sem fer fram í þremur deildum, Alfa, Beta og Delta. Liðið /* Forritun */, sem var skipað þeim Ragnheiði Guðbrandsdóttur og Sigtryggi Haukssyni úr MH og Garðari Smára Vilhjálmssyni úr FSu, varð í 1. sæti Delta keppninnar. Liðið "The # ones", skipað Bjarti Thorlacius, Arnari Vilhjálmi Arnarssyni úr MH og Sölva Má Benediktssyni úr FSu, varð í 2. sæti Delta keppninnar. Í Delta keppninni voru skráð 21 lið til leiks en líklega voru það eitthvað um 15 lið sem kepptu.

Tilv. í frétt á vef FSu.

Hin árlega Forritunarkeppni framhaldsskólanna var haldin 27. mars í nýjum húsakynnum Háskólans í Reykjavík í Nauthólsvík. Alls tóku 5 lið þátt í Alpha deild, 7 í Beta deilld og 16 í Delta deild. Forritunarkeppnin er keppni fyrir alla nemendur í framhaldsskólum sem hafa áhuga á hönnun, forritun og tölvum. Liðið sem sigraði Alpha deildina var skipað Jónatan Óskari Nilssyni áður FSu nú Tækniskólanum, Gabríel Arthúr Péturssyni FSn og Sveini Fannari Kristjánssyni úr Tækniskólanum. Þrjú lið frá FSu og MH (eitt frá hvorum skóla og svo eitt sameinað lið) tóku þátt í Delta deild keppninnar og höfnuðu þau í 5. 10. og 14. sæti. . Þátttaka í keppninni er lærdómsrík og æskilegt er að sem flestir forritunarnemendur taki þátt í keppninni ekki endilega í von um sigur heldur til að dýpka  forritunarkunnáttu sína og að vera með.